Informacion cu a circula diahuebs ta bisa cu Sra. Josefina di Simar ta preparando su anuncio di retiro for di Aruba pe bay radica na Bonaire, unda el’a haya un mihor trabao.
Fuentenan serca di Josefina a bisa cu e ta organisado e paso aki y pronto lo anuncia esaki na su sindicatoo como tambe na Gobierno, cual ta su dunador di trabao.
Como maestra di scol mes, Josefina no tabata funcciona na Aruba, ya cu el’a haya un permiso special di un of otro minister pe por dedica 100% na SIMAR.
Como presidente di SIMAR mester bisa cu Josefina a desplega un trabao fuerte, mayoria bes el’a mescla politica den su funccion, unda e tabata competi cu partido di oposicion. Prome cu partido di oposicion duna reaccion, ya Josefina tabata duna reaccion politico.
Apesar de todo, SOLO DI PUEBLO ta dese’e exito. Kisas e lo tuma un trabao na Bonaire pa djey drenta sindicato aya na Bonaire. Si nos no ta equiboca nos mes, Bonaire ta su isla natal.
