Mike cu Marisol a lubida con nan a introduci BAZV ? Na ultimo ora, sin conseho di Raad van Advies?
Diabierna atardi Gobernador di Aruba a yama e Trio Tripple M pa sucha nan kehonan. Mesora por conlcui cu nan keho no tin base legal. Nan kier reclama e hecho cu e presupuesto ta traha riba e base di BTW, pero a wordo cambia pa BBO. Esaki realmente no ta ningun violacion di ley. Ley di presupuesto ta strictamente pa mara e gastonan, pero no e entradanan. Con e entrada yega, si ta BTW, of BBO, no ta mucho revelante pa e ley.
Si nos wak bek den historia, Mike cu Marisol a introduci BAZV durante tratamento di prespuesto, sin cu esaki a pasa via Raad van Advies.
Pues, e hecho cu Gobierno a tuma un decision lihe, pa no introduci BTW, pa no causa mayor inflacion, pero mantene BBO, no tin ningun efecto riba e ley y tampoco ta ningun delito.
Gobierno di Mike cu Marisol tabatin e defictnan di mas grandi na Aruba, di 500 miyon rood! Awendia e defecit pa 2022 ta 148 miyon y di 2023 ta 25 miyon. Esaki ta muestra cu Gobierno di Aruba ta haciendo un trabao drechi.
Cu algun professor di Hulanda sinta den CAFT, no tin sentimento humano y kier goberna riba papel, pasando potlood cora den tur regel, ta keda na dje, na loke el’a siña den teoria. Den practica tin un pueblo cu mester come y mester wordo goberna y no ta asina sin mas ta tuma decision.
Marisol ta incomprendibel, pasobra, e mes ta pidi pa drecha e procesador di awa sushi na Bubali Plas, pero djey e mes ta bisa cu Gobierno no a cumpli cu 13 punto. Un di e puntonan ta pa elimina e inversion den e sistema na Bubali Plas. Awor? Ken ta compronde Marisol?
