E caso ta conoci como caso Marnix. Dia 7 di September 2021, 15 polis a acudi na Marnix School pa tira control. E polisnan tabata kies muchanan di cada klas y tabata hibanan spreekkamer. Den spreekkamer tabata laga e muchanan drenta dos, dos.
Una bes den spreekkamer, polis a duna nan instruccion pa kita na paña completo. Asina e muchanan mester a haci tambe. Djey e polis a pidi pa bira rond, y buk. No solamente un bes, pero dos ves.
E accion aki a causa repudio na Curacao y cerca e muchanan y mayornan cu a keda trauma. E caso a tuma lugar den corte y huez a dicta sentencia cu e polisnan a bay over di e grens di nan trabao y como tal ta haya nan culpabel.
Segun fiscal a bisa, e alumnonan a cay den trauma y no por a compronde e manera con nan a keda hinca den e kamber pa wordo controla na e forma ey.
Fiscal a bisa den su demanda, cu no solamente e polis a mira e mucha suno, pero e otro mucha den kamber tambe, carson baha, y mester a buk varios biaha, bao di e pretexto si algo lo cay y si nan tin algo ilegal riba nan.
Un di e alumnonan a declara cu e ta un mucha cu semper tin bon punto y ta comporta su mes, pero toch a keda selecta pa e pasa den e control aki. El’a bisa cu el a haña hopi berguenza y no tabata sa con pa conta su mama.
Nan ta haya e trato aki como uno criminal y nan a keda cu trauma y asco di e susedido. Fiscal a sigui bisa cu for di 15 polis, ta trata solamente di 3 polis cu a haci esaki. Ta un total di 25 mucha homber y 2 mucha muher y tur ta menor di edad.
E polisnan a cruca tur liña y bay over di grens, dor di laga muchanan expone nan partinan intimo y no a respeta na privacidad.
E polisnan a wordo condena dor di huez, unda 2 polis a haya 80 ora di trabao y 1 polis a haya 120 hora di trabao.
