AMSTERDAM – Un departamento di investigacion fiscal, FIOD, a start un investigacion hopi grandi diaranzon unda varios auto di dicho departamento a sali den varios direccion pa asina haci investigacion diahuebs. Esaki tin di haber cu un peticion di Ministerio Publico Europeo.
E accion aki a hala basta atencion, pasobra el’a inicia riba parkeerplaats di e oficina princial di belastingdienst na Den Haag. Ta trata aki un investigacion cu ta amplia su mes den henter Europa, pero cu link na Hulanda y na Aruba. Esaki ta inclui tanto negoshi como persona.
Un vocero di Ministerio Publico Europeo, EPP), a confirma e accion aki, pero no por a bisa nada mas. E unico cos cu el’a bisa ta cu tin un cantidad di investigacion na Hulanda. Un otro medio di comunicacion a informa cu e investigacion aki ta link na Aruba y Curacao tambe.
Ta di basta tempo caba cu ta core rumornan cu autoridad tin un lista di comerciantenan na Aruba cu ta bao di loop. Nan ta biaha masha hopi, y hopi ves pa Colombia, Venezuela y otro paisnan.
E sospecho ta cu tin comerciantenan cu ta habri negoshi, pero sin prestamo di banco y nan negoshi original, no ta duna nan espacio pa haci gastonan cu nan ta haciendo.
Por spera na cualke momento cu hendenan di nombernan grandi den comunidad por cay y mester bay rindi cuenta di nan placa.
E investigacion cu a start na Europa, lo por ta e comienzo di desmantelacion di un netwerk di labamento di placa, tanto na Hulanda, Aruba y otro paisnan.
