Ex Minister Benny Sevinger continuamente ta usa storia falso contra Evelyn pa purba hustifica su actonan di corupcion.
Enfaticamente mester bisa cu su storia ta totalmente falso, hecho cu a wordo confirma pa Ministerio Publico.
No tin ningun comparacion cu por wordo hasi, pasobra e hechosnan otro unda no tin corupcion (placa bao mesa of sponser na fundacion). Evelyn no tabata minister!
Den e caso di Benny, el’a ricibi hopi placa den su fundacion “curazon berde” bao capa di sponser, mientras e ta duna tereno.
Tereno di pueblo tabata wordo otorga den forma rapido pa asina permiti otro bay bende tereno via di compania nv, unda ta bende e firma di Benny, e opcion riba e tereno.
Holiday Inn Hotel tabata duna continuamente sponser na Benny, Curt Harms, Sussebeek, etc etc.
Gaby Werleman a bende e compania pa 6.5 miyon florin.
E diferencia ta sinta na e hecho cu nunca nan a construi nada ni tabatin intencion.
Contrario na e waterpark, e negoshi ey a inverti, a habri, despues a bay bancarota.
E oogmerk no tabata pa busca tereno pa bende manera te caso di Benny.
Mirando tur e hechonan, e siman aki Benny por scucha e castigo di entre 5 cu 10 aña.
