Riba dianan 4, 5 y 6 di November 2022 Aruba Dolphins Swimming and Water Polo Club a organisa e campeonato di landamento pa e atletanan local y internacional cu e nomber di 20th Aruba Dolphins Invitational.
En total a participa 9 club di natacion cu no menos di 312 landador na e campeonato aki, esta B-Train Swimming di Canada, Delfins Swimming Club di Bonaire, Orca Swim Club, Typhoon Swim Club y Sithoc Swim Club di Curacao, Sports 4 U, Giants Aquatics, Stingray Swimming y Aruba Dolphins di Aruba.
Despues di un weekend largo y intenso varios landadonan a logra di drecha nan temponan personal den diferente estilo y distancia. Tambe a kibra varios meet record.
High Point Trophy a bai pa esnan cu a logra acomula mas hopi punto den nan categoria:
8 & under: Vitali Innocencia di Stingray Swimming y Ian van Dijk di Typhoon Swim Club 9 – 10 aña: D-Leylah Gerrel di Stingray Swimming y Sean Vinck di Typhoon Swim Club 11 – 12 aña: Genesis Lacle di Stingray Swimming y Ocean van Loon di Stingray Swimming 13 – 14 aña: Mikaela van den Berg Smith di Aruba Dolphins y Inald Fernandes Perna di Giants 15 – 17 aña: Giancarla Larez di Stingray Swimming y Braynlsy Dirksz di Aruba Dolphins 18 & over: Rebecca Maduro di Aruba Dolphins y Landon Laaf di Stingray Swimming
E ranking final di e equiponan participante a keda como lo siguiente:
1. Aruba Dolphins Swimming 1698 punto
2. Stingray Swimming Team 1417 punto
3. Giants Aquatics Aruba 825.5 punto
4. Typhoon Swim Club 413 punto
5. Sithoc Swim Club 366.5 punto
6. Orca Swim Club 156 punto
7. Sportsz 4 U 88 punto
8. B-Train Swimming 66 punto
9. Delfins Swimming Club 17 punto
Directiva di Aruba Dolphins Swimming ta gradici tur participante, commission organisador, oficialnan y nos sponsor nan Tri-Bike Aruba, Meta Corp, Setar NV, Refeneria di Aruba, Banco di Caribe, Aeropuerto Internacional Reina Beatrix, SWIFT distribution cu su producto nan di Cerave y Surface, Divino Aruba, QF Global Network, Giannis Group, Rode Kruis, Prikibos Snack, Meteoro, Zeerover, Total Services y Staff di Piscina Olimpico Roly Bisslik Aruba pa haci e actividad aki super exitoso.
Pa mas informacion y potret por bishita e pagina di facebook di Aruba Dolphins Swimming.
