E director Tuitt nombra pa e bestuur di AVP no tabata dirigi e loteria manera debe ser. A bin constata un cantidad di irregularidadnan den Lotto y hasta unda tabata evadi belasting. Mas peor ta cu Tuitt ta un tersho arogante cu te hasta por bisa grocero, cu no tabata copera cu e bestuur nobo.
Cada bes cu e bestuur nobo kier investiga algo, e ta pone blokki den caminda. El’a kere cu e lo spanta e bestuur nobo cu su actitud. Kisas den su bida el’a spanta hopi hende cu su actitud, pero den e caso aki, e no a logra. Cada ves cu nan puntre algo, e ta sali cu otro storia pero menos contesta e preguntanan. Alaves a constata tambe cu e tabata evadi belasting.
Nos no ta lubida con e tabata tin curashi di elogia e directiva di AVP, unda te hasta na nan salida el’a bolbe paga Patrick Paskel pa traha video di despedidas comosifuera cu ta reina ta baha corona. E directiva di AVP cu a horta e fundacion, usa tur placa, djey entrege den man di Canada.
Riba dje, desde Maart 2012, tin un otro tersho cu a haya un bonus di Lotto, di 17.500 florin pa luna, unda tur luna el’a keda cobra e smeergeld aki, sin ningun prestacion, kitando o hortando placa di deporte.
Nos no mester lubida cu Mike de Meza a hinca su ruman como secretaria den Lotto. Esey si no ta friends and family ?
Pues e realidad ta cu AVP a perde otro caso y den e caso aki mester bisa cu porfin lo supla un aire fresco den Lotto.
