Diahuebs atardi weganan di Copa Mundial a continua cu 2 wega interesante, Japan a enfrenta un bez campeon mundial Spaña y Costa Rica a enfrenta cuater bez campeon mundial Alemania.
Situacion di Alemania tabata dificil for di un principio ya cu nan tabata tin un empate y un derota.
Spaña y Alemania a cuminsa e wega ganando y si nan a gana ambos equipo lo a sigui pa round di 16.
Pero cos no a keda igual, den di dos mitar Japan ta reacciona y ta anota dos gol pa asina haci e grupo aki mas interesante, Alemania tabata un momento perdi 2-1 pero a reacciona pa gana e wega 4-2, cual victoria tabata den causa perdi ya cu Japan a gana 2-1 y ta gana e grupo E, na di dos lugar a keda Spaña cu 4 punto, igual cu Alemania cu 4 punto pero pa averahe di gol ta keda elimina.
Costa Rica ta keda na di 4 lugar.
Pa e alemannan esaki ta otro fracaso den mundial y ta di dos mundial cu nan ta wordo elimina den fase di grupo.
Un decepción grandi pa e fanaticonan di Alemania kende a spera mucho mas di e seleccion aki.
