Pa algun dia caba tin e rumor coriendo rond cu John de Hasseth no ta den libertdad, pues cu el’a wordo deteni. Tin mas di un siman cu no ta scuche mas via e radio di Johny Habibe, Hit 94 fm. Ta ser bisa pues cu e ta deteni pa un asunto hopi delicado. Nos no por a haya ningun confirmacion kico te motibo di su detencion. Aparentemente un persona lo a entrega keho contra dje di algo incorecto cu el’a comete.
Solo di Pueblo pa cumpliendo cu nos deber a puntra Ministerio Publico, pero nan a contesta nos cu nan lo no por divulga nada. Ta basta siman pasa cu SOLO DI PUEBLO a menciona cu un politico ta riba lista pa wordo deteni. Kisas ta John de Hasseth, cu ta riba lisa di Pueblo Prome.
Parce cu ta trata di un caso serio unda cu lo por tin di haber cu menor di edad. Nos lo no saca ningun conclusion te ora cu nos haya mas informacion riba e caso aki.
