Otmar Oduber a informa diahuebs atardi cu na December 2022 el’a wordo yama pa landsrecherche pa un interogacion. Eynan el’a wordo puntra riba un persona cu a haya trabao na DIP ta casa di su bon amigo. Otmar Oduber a tuma nota cu e persona concerni, no ta casa di su amigo, sino un otro persona. Esaki ta trece ehempel e cantidad di redo cu landsrecherche a bini cune.
Riba un otro pregunta cu a bini dilanti, ta riba un señora cu a pidi Otmar un tereno, pero no tabatin garantia di banco. Sinembargo nan a presenta Otmar un potret di e dama riba facebook, cu potret di documento na notario unda el’a haya su tereno. Tambe un potret unda e señora a construi su cas.
Ora cu Abogado Carlo a pone bon atencion, e foto ta saca na 2021 ( cu ela firme na notario) y su fundeshi ta na final di 2021. E tempo ey Otmar no tabata minister.
Landsrecherche a pidi sorry y cu nan lo tuma anotacion.
Pues tur e acontesimientonan aki tin Otmar Oduber bastante hostina segun por mira, pasobra e caso aki tin su bida kibra, su negoshi kibra y keto bay e caso no tin final.
Otmar a declara cu e maneho di DIP te dia di awe, ta cu un persona pa haya un tereno mester tin garantia di banco, pa evita cu e keda sin construi su cas.
Pues si dicho dama a haya tereno, e mester por a cumpli cu e condicionnan.
Y ta bin sali na cla, cu e dama no a haya tereno den su tempo como minister, pero despues cu el’a baha caba como minister.
