Parlamentario di AVP Sra Gerlien Croes a informa diahuebs mainta cu e ta desapunta, desiluciona, el’a wordo difama y maltrata dor di su partido AVP.
Esaki tin di haber cu e desaroyo di e ultimo 3 pa 4 siman cu a desenboca e siman aki cu un reunion di partido, unda su persona no a wordo invita pa dicho reunion, pero toch a acudi y duna cara den e reunion.
El’a bisa cu e situacion di ultimo 3 pa 4 siman a culmina dialuna ultimo den un “partij bijeenkomst”, unda su persona no a wordo invita.
El’a bisa cu e tin 2 aña ta lucha cu e partido, tambe cu lider di fraccion, y ta un falta di respect cu varios reunion scondi a tuma lugar, sin cu e tabata na altura.
Ela bisa cu el’a haya un maltrato dialuna ultimo den su propio cas. El’a wordo difama y maltrata dor di partido AVP.
Na e momento aki, e mester espacio pa e por tuma e mihor decision, sea e ta sigui cu AVP of no.
Solo di Pueblo a bin compronde cu e reunion na Oficina di AVP, varios persona a trate malo, zundre, etc etc.
Segun Gerlien ela reuni cu Mike Eman, y awor e mester bay bek su cas, bay cerca su hendenan pa e por figa posicion di kico lo bira su futuro den politica.
