Robert Laveist a bisa diaranson na radio Aruba 91.5 fm, cu tanto e como Reangelo tabata esnan cu a pasa den e situacion unda Pau Martijn a desapareci.
Tabata na luna di Febuari 2020 cu nan a sali pa bay pisca na un sitio cu ta yama “Bajo”. E tempo ey Pau a baha bay tira pisca, pero nunca mas a subi bek.
Mientras e amigonan a sali bek pa bay busca Pau, nan a keda deteni na Venezuela pa algun luna y na Juli 2020 a recupera nan libertad.
Robert Laveist a bisa cu tur e informenan o acusacionnan cu ta bisa cu nan a bende Johana cu red di prostitucion, no ta berdad.
El’a dicidi di bin dilanti, pasobra e siman aki e noticia a sali na Venezuela unda a detene 5 Venezolano y a manda pidi extraditacion di dos Arubiano.
