E di 5 edishon di Long Table Aruba, organisa pa Wind Creek Aruba, ta bek pa un anochi, e unico mesa di cena di mas largo completamente blanco cu un balor di $50,000 na Aruba!
E evento di e aña aki lo tuma lugar diadomingo 11 di Juni y lo conta cu un mesa largo di 1000 pia cu lo wordo prepará pa 1000 invitado riba L.G Smith’s Boulevard dilanti Renaissance Wind Creek Aruba Resort. Tickets pa entrada lo ta $50 y lo ta ponto disponibel pa benta. Desde anja 2017, Long Table Aruba a recauda mas di $225.000 pa organizashonnan local y ta un evento sumamente importante pa Wind Creek na Aruba.
E evento di e aña aki tambe lo marca e di seis aniversario di Wind Creek Hospitality hunto cu Renaissance Aruba. Pa celebra e momento aki, Wind Creek Hospitality lo entrega 5 organizashon $10.000 na kada un, totalisando $50.000 di donashon, cual lo ta e suma di mas hopi cu Long Table Aruba lo entrega te cu awor.
“Nos ta compronde e importancia di conecta cu e comunidad y nos ta deseá pa sostene organisashonnan local na e manera cu lo realmenti beneficiá e comunidadnan di Aruba,” asina Sr. Paul Gielen, Wind Creek Aruba General Manager a declara. E aña aki nos kier a duna mas tanto organisashon e chens pa participa, aportando asina pa por logra cu nan mision pa mehora nos isla.”
Cuminsando desde awe; 28 di April, organisacionnan local cu ta interesa pa forma parti di e competencia por registra na Wind Creek Aruba su ‘community online video program’, organisacionnan local lo tin cu crea un video splicando e motibo pakiko nan ta desea pa ricibi e donashon aki. Tur video cu wordo entrega lo wordo publica riba Wind Creek Aruba su website unda cu pueblo di Aruba lo por vota pa e 5 video nan ganador di e anja aki.
Tene e siguente puntonan den considerashon:
- Solamente organisashon nan local – non profit y cu ta activo por paricipa na e competencia
(empleado den servicio di Wind Creek Aruba no por participa)
- Lo mester entrega un video di 30 pa 60 seconde mustrando e meta di e organisashon, ken nan ta, kiko nan ta haci y pakiko nan ta desea pa wordo escogi
- Lo mester upload e video aki riba e link Long Table Aruba | Wind Creek Aruba prome cu dia 22 di Mei 2023
- Tur video ricibi lo wordo publica sin ordo riba e pagina di Facebook di Long Table Aruba pa pueblo di Aruba por admira
- Pueblo por vota pa nan video preferi entre 22 di Mei te cu 4 di Juni 2023
Mescos cu anja pasa, comunidad di Aruba lo determina cual organisashon lo beneficia di e premio di e anja aki via un proseso di votashon online cu lo cuminsa desde 22 di Mei. Haci un impacto den comunidad y duna alivio durante calamidad ta un principio di operashon di Wind Creek Aruba. Desde yegada di Wind Creek na Aruba nan a recauda fondo pa medio di diferente evento, manera Long Table Aruba Y Winter Wonderland como tambe un catidad di donashon di cuminda cu a wordo entrega henter anja na organisashonnan y personannan den nececidad.
Sr Gielen ta continua ; Nos ta sumamente orguyoso y entusiasma pa no solamente ofrese un experencia exceptional na e lidernan mereci di comunidad pero alaves por conecta cu e pioneronan pa por mira con y kiko mas nos lo por hasi pa por sostene nan metanan. Nos ta sinti nos mes honra pa por ofrese e pueblo di Aruba un otro anochi inolvidabel unda nos lo duna bek, y celebra hunto cu nos comundad di Aruba.
