Calabas/Kudawecha – Diasabra awor 22 di juli, cuminsando pa 8’or di anochi, lo ta bay
tin otro sambombaso di wega grandi den domino, aya n’e mundialmente famoso
Domino Square Garden na Calabas / Kudawecha. Dos eterno rivalnan lo bin topa otro
pa reken af algun debe bieu cu tin cu otro! E trabuconan di BOU PALO DT lo ta cla pa
enfrenta e team cu uniform mas original, nada menos cu TEAM SNOR bou guia dje
flamante ‘Snor’ Perez.
Manera di custumber, entrada ta completamente gratis y e pasapalonan ora di halftime
ta totalmente por nada. Luna pasa, e burdugunan di Team SNOR a pasa raspa e
‘brochinan’ di Team Bou Palo, esta Team Bou Dak, malamente cu score di 21 – 11! Un
abuso total cu mas cu claro e ‘fratelonan’ di Team Bou Palo lo kier venga cueste lo que
cueste. Pero, segun info cu nos a obtene den un entrevista exclusivo c’un famoso
hungado di domino cu bijnaam ‘lenga di coriente’, e ekipo di Bou Palo no ta sirbi ni pa
reciclahe! Un ta cos shonnan, un ta cos! Team Snor lo walk over atrobe riba nan?
Captain Magda lo manda su A-Team raspa onkruid bou
dje palo atrobe? Yega,
diasabra awor cuminsando p 8’or na Domino Square Garden y haya sa pa bo mes!
