Kaptura grandi di droga: Zr.Ms. Groningen i Wardakosta ta interseptá mas ku 2.500 kilo di droga
E barku di Marina Hulandes Zr.Ms. Groningen, nabegando pa Wardakosta Karibe Hulandes, riba dianan 20 i 22 di ougùstùs a interseptá dos transporte di droga den Laman Karibe.
Zr.Ms. Groningen, durante su patruyanan a keda informá pa Wardakosta, tokante e ‘go- fast’ nan, den ámbos kaso a risibí asistensha di e avion Dash-8 di Wardakosta. A pèrsiguí e ‘go-fast’ nan ku e botonan rápido di intersepshon, asina yamá FRISC, ku tabatin na bordo un ekipo kombiná di tripulashon di e barku huntu ku e Eskuadron di Flota di Marina, kualnan ta na bordo di Zr.Ms. Groningen. Komo e promé ‘go-fast’ no kier a stòp despues di atvertensha ni tirunan di atvertensha, a tira dirigí riba e ‘go-fast’ su motornan, pa asina obligá esaki pa stòp.
E segundo ‘go-fast’ si a stòp despues di tirunan di atvertensha. En total Zr.Ms. Groningen a kapturá mas ku 2.500 kilo di droga, di kua kasi 550 kilo tabata kokaina riba e promé go-fast i mas o ménos 2.000 kilo di mariwana kual paketenan tabata riba e di dos kaptura. Ámbos kaso a keda atendé den bon koperashon ku Wardakosta Karibe Hulandes i Kuerpo Polisial di Kòrsou.
Entretantu tur droga a keda destruí.
Zr.Ms. Groningen for di mei 2023 ta aktivo den Region Karibe komo barku patruyero i ta interkambiá operashonnan anti droga den e region ku sosten di parti di Wardakosta Karibe Hulandes.
