Hulanda ta fomenta neocolonialismo den Reino
Parlamentario Ricky Hoek (MEP): “Gelijke partners” met scheve verhoudingen
Diamars atardi na momento cu Gobierno di Aruba a firma e acuerdo di pago na un porcentahe di 6.9% cu Gobierno di Hulanda, nos por a mira e ‘true colors’ den Reino Hulandes. Reino Hulandes ta inclui Hulanda, Aruba, Curaçao y Sint Maarten cu ta paisnan
igual den Reino.
Sinembargo, e ‘true colors’ di Hulanda su caracter neocolonialismo a keda demonstra cu hechonan den e discurso di prof. mr. Peter Nicolaï, miembro di Eerste Kamer di Hulanda. Prof. mr. Nicolaï a confirma con inhusto y sin argumento Hulanda ta trata Aruba. Esaki, simplemente pasobra Aruba a nenga di firma e RAft cu tin consecuencianan hopi negativo pa Aruba su economia, autonomia y futuro.
Prof. mr. Nicolaï, den su discurso a bisa cu e prestamo di 916 miyon florin ta pa motibo di e pandemia COVID-19. Aruba a haci e peticion pa un ayudo financiero a base di e articulo 36 di constitucion di Reino Hulandes, caminda cu ta bisa cu Hulanda, Aruba, Curaçao y Sint
Maarten ta yuda y asisti otro mutuamente.
Actitud di neocolonialismo
A base di e hechonan cu prof. mr. Nicolaï a presenta, por wordo confirma cu Hulanda tin un
actitud di neocolonialismo. Por wak esaki den e hecho cu Hulanda ta haya un prestamo na
3.2% y ora Aruba pidi un prestamo na e porcentahe aki, Hulanda ta impone rekisitonan
irealistico.
E motibo ta cu si Aruba acepta e RAft (cu tur consecuencia negativo pa Aruba), e ora Aruba
ta haya e 3.2%. Pa acepta e RAft, Aruba lo mester haci cambionan den su Constitucion, pero
esey ta netamente encontra di e autonomia di cada pais.
Ademas prof. mr. Nicolaï a confirma cu Aruba tin supervision financiero caba desde 2015
den forma di CAft. Cu esaki Aruba a y ta dunando Hulanda demasiado autoridad den su
finansas. Pasobra, Hulanda ta scoge 2 Hulandes Europeo respectivamente como presidente y
miembro di CAft. Di otro banda Aruba mag di scoge un persona local so. Awo ta bin e
pregunta: si Aruba tin un supervision financiero y regulacion legal, dicon Hulanda ta straf
Aruba si e no acepta e Rijkswet?
E rason principal ta cu Hulanda ta fomentando neocolonialismo den Reino. Neocolonialismo
ta un sistema di cua un pais rico ta usa su poder economico y politico pa eherce control riba
un pais menos rico.
Awor pakico Hulanda ta fomenta neocolonialismo riba Aruba?
- Pasobra e ora e por trece desigualdad economico. Di e forma aki Hulanda por exploita
e recursonan y labor di Aruba, sin cu ta duna un fair share di e ganashinan. - Instabilidad politico. Pa duna oposicion mas forsa pa lanta contra gobierno y asina
duna oposicion e poder. Y una bes cu oposicion yega na mando, Hulanda por
manipula y convence nan pa firma un RAft y asina Aruba ta perde su autonomia. - Pobresa. Door di pone Aruba paga un porcentahe di 6.9% cu ta mas halto cu e 5.1%
di Corsou y e 3.2% di Sint Maarten, Aruba tin cu saca mas placa pa 20 aña largo y no
por inverti mucho den e.o. educacion, salud y infrastructura.
Pues pa conclui, cu un actitud di neocolonialismo di banda di Hulanda, Reino Hulandes tin
‘gelijke partners’ met scheve verhoudingen.
