E siman aki Nelson Andrade tin cu presenta dilanti huez comisario pa rindi cuenta di soborno den caso di polis Vos. Desde siman pasa como e siman aki Corte di Husticia a cita varios reportero pa asina nan rindi cuenta di nan actonan pa soborna polis Vos.
Polis Vos ta cera desde 20 di maart 2023, sospecha di a haci varios actonan ilegal contra su trabao di polis. Husticia a bisa cu tin varios reportero cu tabata tin un centro di comunicacion activo.
No ta promer ves cu Nelson Andrade ta haye den mes un envolvimiento, pasobra den pasado ya ela wordo condena pa huez, unda e mester a haci trabao pa comunidad.
E declaracionnan aki ta vital pa e caso pa asina por determina e violacionnan cometi pa polis Vos. E grupo aki no ta testigo segun ta ser bisa, pero corte a confirma cu nan ta sospechoso den e caso aki.
Den caso di soborno, no por persigui solamente esun cu a ricibi, pero tambe esun cu a paga of duna.
E siman aki, aparentemente diaranzon of diahuebs e lo mester acudi pa asina pasa den e proceso pa contesta tur pregunta di fiscal.
