Telefonnan celular tambe ta keda prohibi den scolnan basico y den enseñansa spesial for di aña escolar nobo na Hulanda. Tablet y smartwatch tampoco ta permitibel den klas, asina minister di enseñansa saliente, Mariëlle Paul, a bisa di a yega na un acuerdo cu diferente organisacion educativo.
Telefonnan celular ta distrae studiantenan for di nan tareanan escolar, loke ta haci nan menos productivo, e minister ta bisa. Segun e, e acuerdo ta duna claridad den klas. “Nos a nota den enseñansa secundario alumnonan a custumbra liher cu e prohibicion y ta duna trankilidad tanto na studiantenan como na maestronan .”
E scolnan di enseñansa basico y scolnan di enseñansa spesialisa ta agrega asina na e acuerdo cu ya a wordo realisa cu e instituto di enseñansa secundario pa e zomer. For di Janauari 2024, studiantenan no por hiba nan telefon mobil mas den klas. Den enseñansa basico y spesial, e acuerdo ta drenta na vigor ora e curso nobo di scol cuminsa.
Telefonnan mobil mester woprdo usa solamente si nan ta nesesario pa e contenido di e les. E Ministerio di Educacion, Cultura y Ciensia a skirbi den un comunikado di prensa. Aunke e studiantenan ta depende di dje, por ehempel pa motibo medico of pa motibo di un desabilidad, nan por sigui usa nan telefon.
E Minister ta contento cu e studiantenan ta ‘protegi’
“Hopi mucha tin un celular na un edad tempran”, minister Paul ta bisa. P’esei mi ta contento cu awor nos a acudi pa tur scol cu, den principio , telefon mobil no ta permiti mas den klas. Di e forma aki nos ta proteha e studiantenan, mientras cu ta posibel pa usa un telefon mobil si ta nesesario.”
Pa scolnan den educacion spesial, ta importante pa hasi acuerdo cla cu personal, mayornan y studiantenan. Ta posibel cu telefonnan ta nesesario mas tanto den klas.
Gobierno lo mira despues si e acuerdonan tin e efecto desea of si por ta nesesario un prohibicion legal pa blokia telefonnan celular den klas.
