Siman pasa Mike Eman a trece un ponencia cu cifra di morto na Aruba a crece cu 22%. E ponencia riba su mes por ta corecto, pero no e motibo cu el’a usa y inventa pa bende pueblo.
No ta nada nobo cu nos poblacion a crece. Hunto cu crecimento ey, e cifra di morto tambe ta crece. Pero tambe cifra di nacemento.
Cada decada e cifranan ta aumenta:
Añanan 70 tabata 200 morto pa aña
Añanan 80 tabata 300 morto pa aña
Añanan 90 tabata 400 morto pa aña
Desde 2000 pa 2010 tabata 500 morto pa aña
Añanan 2010- 2015 tabata 600
Añanan 2015 – 2020 tabata 700
Desde 2020 – 2030 ta logico cu e ta subi na 800.
Esaki tin di haber cu awor tin mas hende bibando na Aruba y unda tin mas hende ta biba, e cifra di nacimento tambe ta subi, di morto tambe ta subi.
Pues e storia pa culpa Gobierno, of inventa tur sorto di ponencia no ta nada otro cu none-sense y tur cu scucha, ta haya duele di Mike, cu e mester bay busca atencion cu algo asina serio, pero pa probecho politico.
Pa Mike mester bay traha storia riba morto, pa bolbe saca probecho politico a base di mentira, ta algo pa rechasa categoricamente!
Un bes mas por confirma cu Eman no tin ningun clase di cabay pa tene na dje pa lansa critica y mester inventa storia.
