Polis di Venezuela CICPC a informa cu a detene Eyiber Chacon (40), supuestamente implica den e estafa cu a sosode durante e consierto di e bachatero dominicano Romeo Santos.
E detenido ta pareha di Juan Carlos Araujo, presidente di e compania productor Solid Show, kende actualmente ta sintando un castigo di 30 aña pa trafico internacional di droga.
Su pareha Eyiber Chacon a keda deteni den sercania di Centro Comersial Concresa, munisipio Baruta (Miranda) pa agentenan di CICPC afilia na Division di Investigacion di Delitonan den Funccion Publico.
Chacon tin un orden di aresto emiti pa tribunal 38 di control di Caracas pa estafa continuo cu pertenencianan di balor y di ta asosacia na Ilegalidad.
Artista Romeo Santos tabata tin plan pa presenta su mes na La Carlota e diadomingo 10 di december, pero a tarda ocho ora pa subi riba stage.
E situacion aki a wordo investiga pa Ministerio Publico y a determina e supuesto responsabilidad den compnia Solid Show, entre otro.
E accionista di e empresa aki ta cera na prison Centro di Formacion Hombre Nuevo de Simom Bolívar caminda e tabata sali y keda 15 dia riba caya. Pa e motibo aki a manda e director di e prison cas.
Aruba:
Tabata dia 9 di december cu a sosode mescos na Aruba. Romeo Santos a cuminza canta te cu 5or di marduga, pasobra su avion cu equipo a yega te cu 1or di marduga.
Promotor di Aruba a culpa e mes empresario Venezolano “Chacon” cu no a cumpli pa paga e avion. Promotor di Aruba pa scapa cara mester a hasi pago den pura pa e suma di avion completo, pa asina e show miyonario na Aruba por a continua.
Pues si no tabata pa promotor di Aruba cu tabata “lomba contra muraya”, e avion NUNCA a yega Venezuela, pasobra Chacon no tabatin placa of lo a horta tur e placa di tickets cu el’a bende na Caracas.
(Via NoticiaAlDia)
