Un dama Arubiano ta enfrentando critica dor di a cumpra Isla de Oro pa restaure
Recientemente, a tuma lugar e adquisicion di Isla di Oro dor di un dama Arubiano cu intencion di restaura y converti’ele den un espacio usabel. Apesar de su noble intencion, e proyecto a wordo ricibi cu critica y menasa dor di algun grupo di ambientalista cu ta protector di naturalesa.
E cumprador, un Arubiano conoci pa su curashi a haye confronta cu gruponan cu kier haci su bida imposibel unda nan kier pone tur sorto di blokki y obstaculo pe no por pone pia riba Isla di Oro, algo cu legalmente ta su priopiedad.
Isla de Oro, un lugar iconico na costa di Aruba na Pos Chikito a wordo abandona pa decadas. E doño nobo kier drecha e sitio aki y restaura su beyesa natural, hasiendo di dje un lugar publico atrobe unda turista y local por disfruta.
Sin embargo Parke Nacional Arikok cu awor tambe ta maneha tur costa y awanan teritorial rond Aruba kier pone pia abao cu e doño no mag pone pia riba e sitio y tampoco mag di haci’ele limpi, envista cu tur e awa alrededor lo ta cay bao proteccion di naturalesa.
Enbes cu Arubiano ta come Arubiano, lo ta mihor pa busca solucionnan unda tur partido por keda complaci, esta un proteccion di naturalesa, un desaroyo, un restauracion sin cu ta stroba ni un ni e otro.
Ta sumamente lamentabel pa keda cu e sitio manera e ta, abandona. Awor e futuro destinacion ta den man di corte, si e doño legal mag yega su isla, mag hasi su isla limpi y restaura loke antes tabata un centro di diverticion, restaurant, etc.
