Informacion cu SOLO DI PUEBLO a ricibi ta bisa cu no por descarta cu e asunto di baymento di coriente ta debi na hackersnan cu a penetra sistema di Elmar y intencionalmente ta burlando di e compania ya pa algun dia.
SOLO DI PUEBLO a bin compronde cu pais Aruba no ta e promer victima di hackers, pero otro paisnan tambe a confronta esaki.
E triki ta sinta den algo masha facil mes, esta hack un smart meter, crea un load, plame pa otro rednan causando black out.
Mientras cu Elmar ta bin encontra un hala di fusenan bula, sin por determina e causa, ta existi e posibilidad cu esaki ta wordo induci dor di hackers riba e red.
Pa esaki Elmar lo mester realisa su mes, cu mayoria ves coriente ta cayendo afor den mes bario. Pues, e wega di coriente aki por ta den man di hackers.
Loke cu ta wordo treci aki, ta algo cu a keda comproba den otro pais. Manera “copy cat”, tur cos ta yega Aruba y hendenan cu menos bon intencion por ta inflitrando Elmar, sin cu nan sa.
