Malesanan silencioso cu ta caracterisa pa presenta poco of ningun sintoma. Sinembargo, ta supone un gran risico, ya cu a caba a daña di forma ireversibel, cierto organonan.
Malesanan silencioso ta esunnan cu apenas ta produci sintoma y por pasa desapercibi. Den algun caso, e señalnan cu si ta manifesta nan mes ta hopi general.
E problema ta cu mayoria di e malesanan silencioso, segun cu tempo ta pasa, ta desaroya complicacionnan grave. Ademas, asina cu e persona no ta sinti su curpa malo mas, nan tin e tendencia di bandona e tratamento of ni sikiera cuminsa cu esaki. Esaki ta debi cu e remediann por trece efectonan secundario. No obstante, ta esencial pa tin un diagnostico y tratanan nan tempo pa evita consecuencianan. Siguientemente, un splicacion di e malesanan silencioso mas frecuente.
1. Diabetes
:Diabetes ta un malesa cronico cu ta bin door cu e curpa no ta produci suficiente insulina of no ta haci uzo di esaki na e manera corecto. Insulina ta e yabi cu ta permiti glucose drenta den e celnan di e organismo. Segun OMS, na 2014 tabata tin 422 miyon adulto na mundo cu e malesa aki. Generalmente, ta conoci cu tin dos tipo di diabetes: 1 y 2. Sinembargo, ta importante pa destaca e diabetes gestacional (e ta bin ora di embaraso).
Diabetes tipo 1 ta esun unda cu e pancreas no por produci insulina. E ta mas comun den hobennan. Aunke ta considera e malesa aki como un di e malesanan silencioso mas frecuente, toch e tin tendencia di desaroya sintoma. Por ehempel, tin e sensacion di sed, mas gana di orina y cansancio.
E tipo 2 ta esun mas frecuente. E ta bin ora cu e tehido ta resisti e accion di e insulina. E ta relaciona cu obesidad y e ta mas comun. Esaki si ta pasa desapercibi. Diabetes ta un malesa silencioso cu mas complicacion. Por conduci na ceguera, problema di curason, cambionan renal y nervio.
2. Hepatitis
Hepatitis ta un malesa cu ta consisti den e inflamacion di e higra. Gran parti di e casonan ta bin door di e famia di e virus di hepatitis. Den e grupo aki ta haya tiponan A, B, C, D y E. Sinembargo, e ta relaciona tambe cu alcohol, na malesanan auto-inmune y remedi. Hepatitis ta bin door cue virus tipo C ta relaciona cu’n riesgo mas grandi di cirrosis hepatica y cancer. Por detecta e virus di hepatitis ora di haci un analisis di sanger. Ademas, ta existi vacunanan pa algun di nan.
3. Presion halto
Otro malesa silencioso cu mas ta prevalece den paisnan desaroya ta presion halto. Ta defini esaki como un aumento di e presion den e ader. Esaki ta haci cu e curason tin cu haci mas esfuerso pa impulsa e sanger den e tehido.
4. Anemia
Den e grupo di malesanan silencioso, por haya anemia tambe. E ta bin ora cu e cantidad di hemoglobina ta baha. E ta un situacion hopi frecuente cu ta altera e capacidad pa transporta oxigeno pa e tehidonan. Esaki ta debi nan problemanna di dieet, perdida di sanger (p.e. Muhenan cu durante nan regla tin tendencia di basha hopi_ of malesanan digestivo. Hopi biaha e ta duna señal: cansancio, debilidad, bleek of hartklop.
5. Cancer
Lamentablemente, hopi tipo di cancer ta un malesa silencioso pa basta tempo. Te ora cu nan no avansa lo suficiente pa compromete e tehidonan, kisas e no ta duna niun tipo di señal.
Cancer ta un proceso unda cu e celnan di e curpa ta transforma debi na mutacionann genetico. Cancer di pancreas ta un di e malesanan silencioso. E no ta duna niun señal te ora cu e ta basta avansa, unda cu no tin mucho tratamento efectivo.
Medicina ta asina avansa cu toch tin varios manera di screening cu ta permiti pa duna un diagnostico trempan di cierto tiponan di cancer.
6. Vet na higra
Higra ta un di e organonan fundamental pa e funcionamento di e organismo. E ta e organo encarga pa saca tur loke ta toxico for di bo curpa. E ta un malesa cu ta caracteristicanan di purificacion di loke ta toxico. E ta relaciona cu e consumo di alcohil y cu e dieet.
7. Alzheimer
Alzheimer ta un tipo di demencia mas frecuente. E ta causa cu e pensamento, comportamento, memoria y habilidadnan social ta esun cu ta sufri bou di e malesa aki. Na comienso algun di e sintomanan por pasa desapercibi. E ta mas frecuente segun e edad ta aumenta. Usualmente e ta cuminsa ora ta lubida algo of un descuido. Sinembargo, den e estadio final, e ta provoca cu e persona ta perde su independencia y e capacidad di realisa actividadnan cotidiano.
- Multiple Sclerosis
Un otro malesa silencioso cu mas ta sobresali ta multiple sclerosis. Na principio e señalnan y sintomanan kisas no ta mucho cla. Sinembargo, mayoria persona si ta sinti cierto cambionan of sucesonan relevante. Multiple Sclerosis ta un malesa neurodegenerativo. E ta causa dañonan den e mielina, cu ta e substancia cu ta tapa e fibranan nervioso por completo. E ta ataca mas tanto hende muhe y por bin den forma di brote. Esaki ta caracterisa pa sintomanan manera perdida di forsa of sensacion di grawatashi na cierto partinan di e curpa. E ta bin tambe den forma di cansancio y cambionan den e bista.
