Obediencia ta halsa nos relacion cu Dios.
Obediencia na na Dios ta tur locual nos mester pa hiba un bida cu ta agrada Dios.
Obediencia na Dios, ta trece formacion di karakter y fundeshi di nos integridad.
Obediencia na Dios ta aparta nos for di mal caminda y separa nos for di inmoralidad.
Obediencia na Dios ta libra nos for di tur clase di bagamunderia.
Obediencia na Dios ta pone diabel aleha for di nos bida.
Obediencia na Dios ta haci nos humilde, y disponibel pa e trabao di Dios.
Obediencia na Dios ta crece e proposito di Dios den nos bida.
Obediencia na Dios ta trece Dios su proteccion riba nos bida.
Obediencia na Dios ta habri porta di bendicion pa nos bida.
Obediencia na Dios ta haci nos firme y constante den e trabao di Señor.
Obediencia na Dios ta duna nos curashi pa enfrenta bida sabiendo cu Dios ta tur momento cu nos.
Obediencia na Dios ta pone cu tur momento nos ta amabel y nos ta cla pa yuda, nos rumannan.
Obediencia na Dios ta haci nos hende fiel, tanto den matrimonio, cas y famia.
Obediencia na Dios ta kibra lasonan di mal amistad, di mes nan ta aleha for di nos.
Obediencia na Dios ta fortalese nos relacion matrimonial.
Obediencia na Dios ta aleha orguyo y arogancia for di nos bida.
Obediencia na Dios ta haci nos Homber y Muhernan di Dios.
Obediencia na Dios ta hiba nos den e reino di Dios, caminda nos lo pas cu Dios y nos prohimo.
Obedencia na Dios ta pone cu nos ta ricibi disernimiento di Dios pa enfrenta dificultad.
Obediencia na Dios ta haci nos mayornan responsabel cu por guia nos yiunan na Dios.
Si boso stima Mi , boso lo warda mi mandamentonan Y lo mi pidi e Tata , y E lo duna boso un otro Consolador,pa E keda serca boso pa semper. ( Juan 14:15).
Obediencia ta principio di alabansa na Dios.
E palabra di Dios ta bisa: Pesey mi ta roga boso, rumannan pa medio di e misericordianan di Dios,pa presenta boso mes curpanan, como sacrificio bibo y santo , aceptabel pa Dios,cual ta boso sirbishi special di adoracion.( Romanonan 12:1).
Dios ta recompesa obediencia: Ma E a bisa:Alcontrario, bendiciona ta esnan cu ta tende e palabra di Dios, y ta ward’e.( Lucas 11:28). Ma sea cumplidornan di e palabra, y no solamente tendedornan cu ta gaña nan mes. Pasobra si un hende ta tendedo di e palabra y no cumplido, e ta manera un hende cu ta wak su cara natural den spil,pasobra unabes cu e a wak su mes y e a bay, e a lubida mesora ken e tabata. ( Santiago 1:22-24).
Obedencia na Dios ta proba nos amor na Dios:
Pa medio di esaki nos sa cu nos ta stima e yuinan di Dios, ora nos ta stima Dios, y ta cumpli cu su mandamentonan.( 1 Juan 5:2).Esaki ta amor, cu nos mester cana segun Su mandamentonan, esaki ta e mandamento, mescos cu boso a tende for di principio, cu boso mester cana aden. ( 2 Juan 6).
Pa medio di esaki nos sa cu nos conoc’E, si nos warda Su mandamentonan, Esun cu bisa, Mi conoce y no warda su mandamentonan ta un gañado, y e berdad no ta den dje.ma esun cu warda Su palabra den dje e amor di Dios a wordo perfeciona berdaderamente.( 1Juan 2:3-4-5).
Obediencia ta mihor cu sacrificio ( 1Samuel 15:22-23).
Den obedencia na Dios su palabra nos ta kere den Su Yiu Cristo Hesus.
Sinceramente, Pastor Marcel Balootje.
