Envidia ta un mal spirito, cual hopi hende ta hunga cune, y nan no ta nota cu eynan ta destruccion so tin.
Hopi amistad bunita a wordo destrui door di envidia.
Ora bo ta envidia un hende, bo ta pone bo bista riba locual e hende tin, pero bo no wak mas kico Dios tin pa bo.
Bo ta cuminsa ambiciona riba cos di hende, y locual ta di bo mes ta keda para, djis pasobra bo ta envidioso.
E plan di e enemigo ta pa trece asina tanto falsedad den bo comportacion cu bo ta mira bo prohimo como bo enemigo pasobra bo ta envidia bo prohimo.
Envidia a pone Cain mata Abel, pasobra enbes di wak su propio ofrenda na Dios, e a envidia esun di Cain.
Envidia a pone rey Saul persigi y kier a mata David, pasobra e no kier a compronde cu David ta manda door di Dios, pero e ta mira David como un enemigo cu kier kita su trono for di dje.
Y caba Dios a prohibi David pa mishi cu e ungi di Dios, asina ta cu rey Saul mes a caba cu su mes.
Tin hopi hende ta lanta cu envidia, pasobra nan ta bini di un cas envidioso, caminda mayornan ta practica envidia y muramuracion riba hende, sin bati porta di Dios pa nan por alcansa.
Pa un hende envidia bo , bo no tin mester di hacie nada, ni tampoco bo mester ta rico, simplemte bo obediencia na Dios, bo rectitud y e temor di Dios cu tin den bo bida, ta suficiente, pa e enemigo pusha hende pa envidia bo.
Ora hende ta envidioso nan ta kier kibra tur locual cu ta bon,nan ta bira ciego y sordo pa e berdad, y nan no kier realisa cu Dios tin bendicion pa nan tambe , pero ta cos di hende nan kier.
Ta existi hopi tipo do envidia, pero un di e envidianan di mas fastioso ta envidia Spiritual, caminda hende no kier respesta e yamada cu Dios a pone riba un otro persona, y eynan papiamento malo ta cuminsa, especialmente ora tin crecemente,mal deseo ta cuminsa cay pa otro. Bo ta puntra bo mes ta con hende por laga envidia domina su bida.
Envidia ta pone hende perde perde y trece depresion.
Pasobra manera e ta pensa den su curason asina e ta, E ta bisabo, come y bebe ma su curason no ta cu bo. ( Proverbionan 23:7).
Envidia ta haci bo cruel: Furia ta cruel, y rabia ta un diluvio , ma ken por compronde un hende jaloers.( Proverbionan 27:4).
Enidia ta biba den critica: ( 2 Corintionan 10:12) Pasobra nan ta bisa : Su cartanan ta duro y fuerte, ma su presencia ta personal no ta impresiona,y su manera di papia ta despreciabel.
Envidia ta nifica presencia di carnalidad:Pasobra ainda boso ta carnal, pasobra como ta existi envidia, pleito y division entre boso, no ta carnal boso ta, y no ta manera tur hende boso ta cana?( 1 Corintionan 3:3).
Envidia ta trece amargura: Ma si boso tin envidia amargo y egoismo den boso curason,no sea arogante, y asina gaña contra e berdad. Pasobra caminda ta existi envidia y egoismo, tin desordo y tur sorto di cos malo.( Santiago 3:14-15).
Envidia ta trece confusion, caminda tin envidia constantemento tin pleito y desgusto, envidia por contamina henter un cas, henter un oficina, envidia por para un proyecto, hopi biaha hende no ta participa den algo pa motibo di envidia, y esey hasta den cosnan spiritual.
Envidia ta enemigo di tur hende.
Sinceramente, Pastor Marcel Balootje
