Den e temponan trabahoso cu nos ta bibando, e palabra santificacion, ta zona manera algo nobo, cu hende no a tende nunca, pasobra e maldad di e mundo, y e perversidad diabolico, cu ta purba penetra tur caminda, y e falta di temor di Dios, ta pone hende pensa cu esaki no ta posibel.
Pero e palabra di Dios ta bisa nos cla den 1 Thesalonisensenan 4:3: Pasobra esaki ta e boluntad di Dios boso santificacion esta ,pa boso abstene di inmoralidad sexual, pa cada un di boso sabi con tene su mes curpa den santificacion y honor, no cu pasion di deseonan carnal,manera e paganonan cu no conoce Dios.
Mira cuanto controversia a drenta mundo, cuanto maldad, y cuanto hecho cu ta totalmente contra e boluntad di Dios,si nos wak rond di mes, cuanto bagamunderia ta tuma lugar, cu hende ta acepta y aproba, y caba Dios ta leu for di e asuntonan ey, hopi no ta realisa, cu hopi cos cu ta tuma lugar ta completamente for di boluntad di Dios, y ta abominacion den bista di Dios.
Wow, un hende mes no por kere, pero si no tin firmesa den Cristo Hesus, nos no ta yega na santidad ni tampoco perfecion manera e palabra di Dios ta exigi nos.( Mateo 5:48) (Filipensenan 3:12-15).
Ta bon pa tur hende lesa 1 Tesalonisensenan 4:1-12 y mira e comportacion cu Dios ta demanda den su pueblo, y mescos lesa Colosensenan 3:1-17 y conoce e reglanan di un bida santo. Mescos lesando Romanonan 1 : 18-32, nos ta relisa con e furia di Dios ta lanta contra humanidad.
E Palabra di Dios ta bisa nos den Juan 10:10: E ladron ta bini salamente pa horta , pa mata, y pa destrui, Ami a bin pa nan tin bida y pa nan tine na abundancia. E ta un versiculo cu nos tin di tene cuenta cune , pasobra e ta un spiertamento contra maldad, pasobra e diabel ta presenta den hopi forma pero nos tin di corda cu su presentacion ta solamente pa haci maldad, y destrui hende.
Santificacion ta proceso di bida largo y no algo temporal, pesey nos tin dos pia pero ta den un caminda nos por cana, pasobra esun cu ta den Cristo Hesus, mester perservera pa drenta cielo, esey ta e meta di e supremo yamada.
E bida den Cristo no por ta temporal, pasobra Cristo ta duna bida tur momento, pero lamentablemente tin hende ta cohe vacantie manera den temporada di carnaval, y pa un paar di luna nan ta lubida cu nan curpa ta tempel di Spirito Santo y cu e Spirito di Dios ta biba den dje ( 1 Corintionan 3:16-17) y ta participa den tur tipo di bagamunderia, usando alcohol y droga y bistinan perverso, pero nan ta bon, bon na altura na locual Dios a yama nan.
Ta mescos cu un hende ta den un matrimonio, anto a dicidi di pidi su pareha un vacantie pa e bay cana adultera links y rechts, na su antoho. Nos no no por trata Dios con cu ta.
Un hende cu ta den Cristo Hesus y cu no ta kere cu cielo ta su meta principal, no a compronde e plan di salbacion di Dios den Juan 3:16, pasobra bida eterna nos no ta bay pase aki bao na mundo pasobra e ta para cla scirbi pa tur hende por tuma cuenta di dje den 1 Thesalonisensenan 4:15-18.
Ta un gran necesidad pa tur hende lesa e palabra di Dios, y asina evita di wordo gaña door di e enemigo, y doctrina falso.( 1 Timoteo 4:1-2)
Sinceramente, Pastor Marcel Balootje
