Diabierna anochi rond di 8’or y mey polis y despues unidadnan di Brandweer y Ambulance a sali direccion Turibana.
Polis a yega un cas situa na Turibana y ta constata cu e berdad e cas a cay den otro. Prome cu tur cos; e agentenan a controla e cas pa mira si tin hende aden pero danki Dios esey no tawata e caso.
Na e sitio por a compronde di famia y testigonan cu net e señora cu ta mama di 3 menor tawata yegando cas. Si e la yega mas prome; lo tawata devastador.
Mayoria di cos a bay perdi, segun un famia un pida muraya grandi a cay ariba cama di esun mas chikito.
E area a wordo cera cu lint geel y bomberonan na e sitio por a ser mira ta haci nan controlnan necesario.
Elmar tambe a yega pa kita e coriente.
Awor ta keda na instancianan concerni pa yuda e mama cu su 3 yiunan menor. Un caso hopi lamentabel; y di otro banda tur hende ta sano y salvo.
Aunke por a mira e mama basta kibra canando drenta Ambulance; unda cu Paramediconan lo a bay control’e.
Investigacion lo mester bay saca afo kiko a pasa cu e cas a cay den otro.
