Den weekend, hopi Arubiabo a escoge pa bay Orlando y otro areanan den Florida como nan destinacion di vakantie.
Sinembargo, awor nan ta enfrenta e menasa grandi di horcan Milton, un tormenta cu a bira horcan y ta spera cu el’o yega riba tera na Florida diaranson awor como horcan di categoria 3.
Milton, cu tin biento di 129 km/h aworaki, y ta sigui crece mientrastanto cu e ta move atravez di e Golfo di Mexico.
Segun e Centro Nacional di Horcan (NHC) na Miami, e horcan lo impacta e costa oeste di Florida, cu ta trece ola grandi, hopi awacero y biento destructivo. Aun no ta sigur e ruta exactl di Milton, pero mester sigui e conseho di e autoridadnan lokal y considera ahusta plan di biahe. Si encaso e ta bay direct riba Orlando, ta consehabel pa sali bay otro cuidad pa seguridad. Hopi Arubiano ta disfruta di e parkenan na Orlando.
E condicion di tempo lo deteriora den e proximo oranan, unda posiblemente lo tin mas restriccion riba servicio y como tambe vuelonan lo wordo afecta.
