Den un situacion politico tenso, hopi hende ta pidi pa e gobernador di Aruba tuma un rol activo pa hasi un analisis profundo riba e gobernabilidad actual di nos pais.
Cu e movecion di e partidonan di oposicion pa pasa un mocion di desconfiansa contra un di e ministronan, e panorama politico ta trece precupacion den diferente sector. Segun expertonan, si e situacion aki no wordo maneha cu e medidanan apropia, por crea un cierto patroonchi peligeroso pa e stabilidad di gobernacion.
Oposicion kier probecha pa usa mocion di desconfiansa como un herment politico, un desaroyo cu ta pone e partido gobernante den un posicion dificil. No ta imposibel cu conseho di ministro di partido MEP tambe por tuma decision pa retira algun di su ministronan pa e falta di confiansa creciendo cada dia mas y mas. Un analista local a comenta: “E wega politico por sigui sosode si no tin un intervencion cla. Parlamento, cu apoya partido Raiz, por sigui yama cada ministro, pasando mocion tras di mocion, y esaki lo crea instabilidad den gobernabilidad di nos pais.”
E precupacion ta crese cu si mocionnan di desconfiansa no ta basa riba argumento husto, pero mas basa riba wega politico, e daño lo ta profundo y pa largo plazo. Diferente vos ta alerta cu un cadena di mocion di desconfiansa lo trese consequencia negativo pa e structura di gobernacion di Aruba.
Pa awor, ta spera cu e gobernador lo interveni na tempo pa evalua e situacion y pa evita un crisis di gobernabilidad mas grandi. Presidente di Parlamento ya kier yama otro minister di MEP den parlamento y desde awor tur hende sa e intencion: otro mocion!
