Aruba Amateur Weightlifting Association lo bay tin nan Campeonato Nacional di hisamento di peso. Esaki ta lo tuma luga diadomingo awo, 27 october 2024, Compleho Deportivo Frans Figaroa na Noord.
E clubnan cu ta participa ta Paradise Strength Aruba, E2REP Fitness, TNT Gym, BFN Crossfit. Tambe atleta di Corsou y di Canada lo tey presente den e evento aki. Pisamento di e atletanan ta 8:00 am y competencia ta start sali pa 10:00 am.
Den e Campeonato Nacional aki lo duna reconocemento na tres referee, cu ta Frederick Tromp, Sergio Faro y Remi Wever, cu tin hopi aña ta asisti como referee den nos competencianan local.
Tambe lo ta presente Yhurisen Molenaar for di Corsou cu luna pasa a bira campeon mundial den categoría di masters na Finlandia. Otro atleta cu ta participa t’e famoso atleta di apenas 11 aña, cu ta Rory van Ulft, cu ta bin for di Canada pa participa hunto cu nos atletanan di Aruba. Lo hisa den diferente categoría: den Youth, Junior, Senior y Master. Nos por spera sigur un bunita competencia yen di ambiente deportivo unda sigur varios di e atletanan lo bataya duro contra di otro.
Aruba Amateur Weightlifting Association kier a invita tur fanatico di e deporte di Weightlifting pa bin apoya nos atletanan den e Campeonato Nacional di hisamento di peso cu lo tuma luga den Compleho Deportivo Frans Figaroa na Noord.
Entrada ta gratis pa grandi y chikito.
