—-Cuerpo Policial Ta Informa—
Di 10 morto den trafico
Dialuna pa mas o menos 4:50 di mainta, central di polis ta wordo notifica di un accidente serio na e retonde na Bushiri.
E prome informa ta indica cu ta un auto te ainda.
Central a despacha patruya di polis na e sitio como tambe ambulance.
Na yegada di e prome patruya di polis ta bin topa cu e auto Nissan modelo Tiida color cora numera A-79008 y e chauffeur den e auto no ta reaciona.
A pidi pa materialwagen di Brandweer mirando cu e chauffeur tabata pega den e auto. Personal di Brandweer a saca e victima for di e auto na unda paramediconan a brinde asistencia medico pero no por a haci muchu mas pa e victima.
Specialista di trafico a presenta na e sitio como tambe polis forensico y dokter forensico Voskuil.
Dr.Voskuil ta constata morto di Yonathan Ysaac Velasquez Campos naci 02-08-1976 (48 aña) na Venezuela.
Departamento di slachtofferhulp a presenta na e sitio tambe.
Cuerpo Policial ta manda palabra di condolencia na famia di e fayecido.
