Den un Cas di Cultura totalmente “Sold Out” a tuma lugar e concierto di tur fin di aña di e alumno- y maestronan di Scol di Musica Rufo Wever. Pa di 9 aña sigui, ami, Addonsito Croes, tawatin e honor, siguiendo e legacia di Ruben Trapenberg d.f.m., di t’e MC di e concierto “Streanan di Pasco” di 2024.
Cu un publico anima, artistanan cu talento grandi y un sala encanta, cu un total di 18 presentacion, cancionnan manera Cunucu di Zuid, Bilongo, Wardadornan, Pilar, Al llegar aqui, Canten señores a la Nanita Nana, White Christmas y mas, a ser presenta. Tur persona a bay cas cu alegria y un sentimento di orguyo di Aruba su cultura musical presenta na un nivel internacional.
Pabien na e mas cu 150 alumno y nan maestronan Carlos Bislip, Franklin Granadillo, Catherine Provence, Daniel Werleman, Kyle Winklaar, Jaderick Croes, Ryan Maduro, Chris Rodulfo, Rob Rijnbout, Hester Matthijsse, Richard Holmond, Tico Kelly, Serghio Jansen y Irina Werleman. Boso trabou, talento y esfuerzo ta ser admira, stima y respeta aki na Aruba.
E potretnan ta pa cortesia di e.o. Ivan Quandus di Arubamusician.com
