Durante weekend, Wardacosta di Caribe Hulandes a logra di rescata un hende homber di nacionalidad Canades na momento cu su barco velero a haye den dificultad. E notificacion inicial a bin di un avion Americano cu a mira e barco durante di nan patruya.
Un barco tipo ‘carrier’ cu tabata cerca di e velero a purba di duna asistencia pero e persona no ta ke bandona su boto. Esaki a resulta cu e Dash-8 di Wardacosta di Caribe Hulandes a bula den direccion di e boto cu tabata basta leu nort for di Aruba, pa constata cu e persona abordo tabata den bon condicion.
Inmediatamente a notifica personal di e barco ‘Panter’ di Wardacosta na Aruba, pa dirigi su mes den direccion di e boto pa asina duna e asistencia necesario. E persona a logra di subi ‘Panter’ y despues a tuma tur paso necesario pa asina por tou e boto y hiba esaki Aruba. Despues di a nabega pa hopi ora a logra di yega Aruba y cu asistencia di un unidad di Metal Shark a hiba e boto y e persona haf pa asina Duana haci nan trabou.
E persona ta den bon condicion di salud.
