N’e Cena di Pasco di Taekwondo Team Aruba, Master Eric Barry di San Nicolaas Taekwondo Foundation tabata presente pa presencia e celebracion. Master Eric Barry tin dos atleta den Taekwondo Team Aruba cu ta representa Aruba Internacional y a wordo yama dilanti pa entrega un premio na su atleta Nakiomy del Rosario como Atleta mas Motiva di Aña 2024.
Nakiomy del Rosario a bringa na Aruba contra Team USA. For di e dia ey e mayornan di Nakiomy del Rosario a hib’e training na Taekwondo Team Aruba y na luna di Oktober Nakiomy del Rosario a forma parti di e team di TK5 unda cu Aruba a gana Corsou, sigui pa Orlando, Best of the Best 2024 y ultimo na Miami.
Nakiomy del Rosario ta un atleta cu un curason grandi y cu futuro su dilanti si e sigui den e rumbo cu e ta bayendo. Taekwondo Team Aruba ta felicita Master Eric Barry y e mayornan di Nakiomy del Rosario.
