Enbista di e consequencianan cu bully ta trece cune, Ministerio Publico no por sigui hiba e maneho di gedoogd beleid riba e kehonan cu cuidadano a entrega pa e delito aki.
Smaad en Laster ( Bully) ta un delito den nos codigo penal. Tin articulonan di ley cu ta atende cu cualke abusador o agresor, den ki forma cu ta, sea ta facebook, radio, corant, television, pamfleta y cualke noticiero di radio.
Den pasado nos tin conocimento cu tin hopi keho cu a wordo entrega pa victima di bully, pero Ministerio Publico a informa cu nan tin gedoogd beleid, pa motibo cu tin escases di personal.
Dor cu no a trata e kehonan, dor cu a hiba un gedoogd beleid, e situacion a sali for di man, pasobra nan a crea un free for all. Tur hende por difama hende, sin husticia ta actua riba nan.
Na aña 2023, a entrega keho na Ministerio Publico, y nan contesta tabata cu nan lo no ni start investigacion, pa motibo di personal y pa motibo cu nan tin otro cosnan mas importante.
Ora a hiba e caso hof na Curacao, corte di Curacao a bay di acuerdo, cu ta un decision di Ministerio Publico mes pa dicidi kico si y kico no ta wordo investiga.
Cu esey, nan a dal porta cera y nan start e ora cu e gedoogd beleid. Tur hende mag difama otro, papia coy sokote, manipula, etc.etc. mientras esnan cu ta word gebash, mester accepta tur ofensa, insulto, dia aden y dia afo.
Aki nos ta awor! Awor tin consequencia y awor esnan cu a wordo afecta pa tur e instigacion a dicidi di atende cu e bulidornan. Esaki a trece nos na un punto di wake up call: Awor si lo cuminza actua riba e kehonan? Ministerio tin mas di 50 keho hinca den lachi. Lo atende nan awor si ?
