Den e ultimo aรฑa y mey nos por a scucha Mike Eman promete cu e lo comberti e debe di Covid-19 cu nos pais tin cu Hulanda, esta e 955 miyon florin cu nos a presta, den un fondo di inversion. Mike a promete cu manera e placa aki drenta den caha di gobierno, esaki lo wordo inverti den varios proyecto cu lo beneficia pueblo. Mike Eman a dal un vacantie na Hulanda hunto cu su lijst-trekker pa crea un imagen cu esaki ta un โdone deal.โ Sinembargo, Mike Eman no tin un garantia, ni un acuerdo, nada riba papel pa por garantisa ni sigura pueblo cu e lo logra esaki.
Mike, bo tin un plan โB?โ
Na diferente ocasion ma informa pueblo cu e idea aki di Mike Eman no ta uno original, sino uno copia di Gabinete Wever-Croes-I, cu na Juni 2020 a presenta e idea aki na e Secretario di Estado e tempo ya sr. Raymond Knops. Sr. Knops a considera e idea pa un tempo, sinembargo despues a bari esaki for di mesa. Ademas, na 2023 mi a biaha cu e delegacion di Parlamento di Aruba pa reunionan cu miembronan di Tweede Kamer, y nan tambe a enfatisa riba cu Hulanda no lo duna mas โPlaca Gratisโ na e paisnan den Caribe. Si acaso Hulanda persisti pa nenga e futuro gobierno di Aruba pa comberti e debe di Covid den un fondo di inversion, cual ta bo plan e ora sr. Eman? Cual ta bo plan โB,โ si acaso bo tin un plan at all!
AVP no tin un plan di gobernacion pa 2025
Remarcabel ta cu na 2021 ni na 2025 partido AVP a traha riba un plan di gobernacion. Esaki a wordo confirma pa Mike Eman mes y Gerlien Croes ora cu nan a sali di nan combersacion cu gobernador. Ambos a papia di un โraamwerkโ pero un plan no ta existi te ne dia di awe! Kiermen nisikiera tin un plan kico tur ta bay haci durante un posibel gobernacion y unda ta bay inverti e placa. Mike Eman a bay campaรฑa cu 10 punto y un promesa cu e lo haya miyones di un fondo di inversion. Ora Mike a bishita Hulanda ex-minister president Mark Rutte a recorda Mike con e la laga debenan haltisimo atras y minister Donners a bise cu e Sociaal Cultureel PlanBureau ta mucho caro pa Aruba. Pues, e poco ideanan cu Mike Eman a hiba no a wordo bon ricibi na Hulanda. Ainda Futuro y pueblo ta wardando ansiosamente pa lesa e plan di gobernacion di AVP.
Den conclusion nos tur ta sinta warda y ta puntrando nos mes si historia lo bolbe ripiti. E โbon comunโ berde lo cristalisa? Lo yena cocolishi cu cientos di coordinador atrobe? Aruba lo bolbe bek na un era di knip en plakwerk di su presupuesto? Si e 955 miyon di e fondo no bira un realidad, Mike Eman a lo resorta atrobe na crea debenan gigantesco pa nos tur bay pague cu orguyo?
