E evento tan spera di di Aruba ta na caminda, esta e final di Caiso & Soca Monarch 2025, cu lo tuma luga dia 8 di februari den Aruba Carnival & Entertainment Village. E competencia aki ta reuni e miho artista y bandanan di e isla, kendenan lo compati p’e titulonan di Caiso & Soca Monarch den un anochi yena di energia y pasion.
E entradanan ya ta dispnibel riba Pay.aw y esunnan cu ta desea di disfruta di e evento for di e comodidad di nan hogar, por ricibi acceso n’e transmision live a traves di e link di Pay Per View riba www.stichtingmusica.aw.
E finalistanan di #ACSM2025
E artistanan selecciona ta priminti un espectaculo vibrante cu tema cu ta varia for di mensahe profundo te n’e ritmonan contagioso. Aki nos tin e finalistanan, organisa alfabetica segun nomber di e bandanan:
- Buleria: Kulchaman (What R We Fighting For), Oye Maiky (True Thing).
- DLS: XENVN (Burako).
- DURO: Casper (Barefoot).
- Groove Masters: Blacky (Tell Them), T Money (Soca Daddy).
- Impak 4Play: Anamo Ra (Sumtin 4 Da Road), Magy (Ready Fuh D Road).
- Jeon & The Gang: Master Gusto (Woporop), King Etto (Bula Aden).
- N Fuzion: Lyrod (Home), Suhcy (Metronome), Queen Shine (Soca Is Life).
- Oreo: Mighty Talent (Paranda Wuk Up), Mighty Talent Jr. (Throwing D Watah), Lady Eyes (Survivor).
- Phenomenon: Rusty (Take Me Away).
- Shine Music: Ashanti (Jammin’).
- Suona: Ezrraaaa (We Love This Timing).
- Tsunami: Galloway (Dr. Carnival Lector), Daddy Bass (Repoman), Queen Sashah (Love is in the Air), Jr. Bass (Let’s Go), Lady La Rouge (To the Top), Freddy Rasta (1 For Unity), Big Reckless (Road), Easy B (Soca Train).
- YX3M: Mikey (Fyah), Stuwy (Rich in Life).
- Zeta Band: Mighty Tattoo (El Paysa).
Prepara bo pa un anochi inolvidabel cu talento local y cancion cu ta celebra e cultura y alegria di carnaval. Ken lo wordo corona como e proximo Caiso & Soca Monarch di Aruba pa 2025? No perd’e.
