Organisacion Caballista Arubano ta den preparacion pa e prome feria internacional pa e anja aki. Tin un cantidad di riba 20 cabay di Corsou cu a hasi test di sanger pa por bin Aruba pa e competencia aki cu ta carga e nomber Gran Clasico Internacional. Hunto cu e gran cantidad di cabay aki tambe ta spera un delegecion numeroso di Jinete & Amazona di Corsou pa enfrenta esunan di Aruba den competencia. Lo tin 3 dia di competencia, caminda lo inicia diabierna 31 di januari cu algun categorianan sigi despues pa un Welcome Party. Diasabra ta sigi tur e otro categorianan clasico di cabay . Diadomingo lo tin competencia di Jinetes & Amazonas den categoria Principiante y Regular.
