Diahuebs mainta a drenta informe di un accidente hit & run na Paraguana, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda e chauffeur a core bay bandonando e sitio. Pero pa suerte e otro partido a logra tuma e number di e auto cu a core bay. E seguro a bisa e victima cu e lo sali perdi y e mes carga su gastonan, pero e dama victima a bisa ta un biaha so nan por tum’e haci. Lo ta mihor pa e chauffeur bay warda di polis y presenta su mes eynan pa evita cu polis presenta na su cas of trabao. Mientras nos tabata trahando e informe aki diabierna merdia e victima mes a busca y a haya e adres di e persona aki y a presenta na su cas na Montaña 19-A. Pa puro suerte a topa cu e sra. Norma Anthony kende tabata core cu e auto un dia prome y a causa e accidente. Pero e sra. aki no kier para responsable ni aunke cu a bis’e polis ta na caminda pa eynan. Ela core subi auto y bay for di e sitio.
