Dialuna mainta a drenta informe di un accidente cu hende herida banda di Weng Kee na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur a dal cu e auto na e acera perde control bay otro banda di caminda dal semi-frontal cu e auto contrario. Debi na e impacto e dama chauffeur a resulta herida. Na yegada di e ambulans nan a atende e dama y un mucha cu tabata cun’e. Nan a transporta ambos pa hospital.
