E introduccion di e Rijkswet RAFT (Rijkswet Aruba Financieel Toezicht) a causa hopi polemica na Aruba. Hopi analista ta argumenta cu e ley aki lo limita e autonomia financiero di Aruba y lo pone mas poder den man di Hulanda. Sinembargo, cu hopi esfuerso y negociacion, Evelyn Wever-Croes a logra evita cu e ley original aki a pasa, eliminando asina e desbentahanan pa nos pais.
Pakico e Rijkswet RAFT tabata Desbentahoso pa Aruba?
E ley original tabata stipula cu Hulanda lo haya mas poder pa impone medida financiero riba Aruba. E implicacionnan tabata grave:
- Restriccion Financiero: Aruba lo perde control riba su propio presupuesto.
- Menos Flexibilidad Economico: Inversion y gasto estatal lo wordo limita segun criterio di Hulanda.
- Menos Influencia Politico: Hulanda lo haya mas voz den e desaroyo economico y structural di Aruba.
Un Logro Politico: Evelyn a Laga Hulanda Hala Aden
Evelyn Wever-Croes a resisti e presion di Hulanda pa acepta e ley sin consenso y a insisti pa discuti riba dje. Door di diplomacia y presion politico, Hulanda a wordo forsa pa reconsidera su postura. Finalmente, e ley original a wordo hala aden.
Autonomia di Aruba a Keda Preserva
A pesar di e tension, e lucha pa autonomia di Aruba no tabata envano. Hulanda no por trata nos como un colonia mas. Nos por sigui cumpli cu regla di transparencia financiero, pero sin perde nos poder di decision. E resultado final di e negociacion di RAFT ta mustra cu Aruba tin un posicion fuerte pa defende su autonomia den Reino Hulandes.
Ta crucial pa sigui monitoria e desaroyo di e ley nobo y sigui defende e interesnan di Aruba. Nos autonomia no ta un regalo, sino un derecho!
Cu e negociacion di un otro rijkswet, nos por ta sigur cu e elementonan dañino di e ley anterior no tey mas, y cu awor mester yega na un consenso real cu Aruba, unda por logra tur transparencia y control necesario, pero sin afecta e “toma di decision” di nos gobierno.
