Diasabra 1 di maart 2025, pa 7 or di mainta tin Santa Misa na Kapel di Alto Vista y Den Kapel di Cas Curason di Maria na San Nicolaas. (Blue Army)
Prome cu Santo Eucarestia ta resa Santo Rosario cuminsa pa 6.15 “Misterio Gososo”, despues ta sigi cu Salve Regina.Ta invita henter e pueblo, deboto y fielnan pa asisti na e Santa Rosario prome cu misa. Tur fielnan ta bin resa e Santo Rosario pa bienestar di henter comunidad di Aruba pa nan defunto stima. Aki na Aruba ya nos ta sinti e Cambio di Clima.. E caliente di e solo ta afecta nos tur dia. Den e tempo aki cu malesanan ta invadi HUMANIDAD. Laga cu nos ta mas conciente cu nos mester di oracion., no haci Dios bira tristo pa via di pica (ya cu Dios ta sufri tanto caba pa pica di hende). Laga nos ta resa pa necesidad di Iglesia Universal, pa Papa Francisco, Administrador apostolico, Jason Gordon, tur sacerdote, diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud. Laga cu pronto nan regresa Aruba y gosa di un bon salud pa largo tempo.
