Gobierno di Aruba a logra un resultado notabel den su esfuerso pa reduci gasto di personal, mustrando compromiso y transparencia den e proceso di stablisa finansas publico. Segun e raportanan di CFT (Conseho di Finansas di Reino), a establece cu gasto di personal di gobierno mester a baha te na 10% di BBP den 2027. Sinembargo, cu gran diciplina y maneho financiero responsabel, Aruba a logra alcanza esaki tres aña mas tempran di loke tabata planea.
Na final di 2024, gasto di personal a yega na 6.2% di BBP, significantemente bao di e plafond di 10% cu tabata stipula. Esaki ta mustra e disciplina financiero cu gobierno a implementa pa yuda na stabilisa economia nacional.
Compromiso cu Acuerdo y Responsabilidad
Gobierno a cumpli cu tur e palabracion y compromiso acorda cu Hulanda pa logra e reduccion di gasto den e plazo aki. E resultado aki ta reforsa e confiansa den maneho financiero y ta mustra cu Aruba ta siguiendo un plan pa logra un balanse sostenible den su gasto gubernamental.
Un Logro Importante pa Aruba
E reduccion di gasto di personal no solamente ta beneficioso pa gobierno, sino tambe pa e bienestar economico di e pais. Un maneho mas eficiente di e recurso publico ta habri porta pa mas inversion den infrastructura, enseñanza y bienestar social.
E resultado aki ta prueba cu reduccion di gasto publico ta posibel cu un plan cla, un ehecucion estricto y un compromiso firme di gobierno pa trece stabilidad financiero na Aruba.
Ciudadanonan por ta sigur cu gobierno di MEP ta laga atras un Aruba financieramente mas solido y sostenible pa tur hende den e comunidad.
