Diaranson atardi a drenta informe di un accidente cu hende herida y auto na candela na Bucutiweg, mesora a dirigi tanto polis, ambulans y tambe bomberonan na e sitio. Na yegada di e patruya a bin compronde cu e chauffeur a perde control, dal un auto, dal cura, basha esaki abao y auto a pega candela cu e chauffeur aden. Polis a saca e chauffeur for di den auto esaki lo a herida e chauffeur su schouder sacando esaki for di luga. Polis mes a logra paga e candela prome cu bomberonan a yega. Na yegada di e ambulans nan a atende e victima y a transporte pa hospital.
