Fraccion di MEP a anuncia cu lo entrega un keho contra presidente di Parlamento, Gerlien Croes, na Gobernador, despues di su manera di actua den e reunion tocante presupuesto 2025.
Den e reunion, Gerlien a habri e session, duna Mike Eman palabra, y djey mesora a cera e reunion, sin duna ningun otro miembro di Parlamento e oportunidad pa entrega amienda. Segun MEP, esaki ta un violacion di procedura y a pone nan den desventaha, silensiando nan voz den un discucion importante.
Ademas, e partido a ripara cu presupuesto a wordo secuestra pa 3 luna sin avanse, y awor cu Gobierno di Hulanda a trece precion, Gerlien a yama reunion, pero solamente pa tuma peticion di Eman y cera e session mesora.
MEP ta pidi investigacion riba e acto di Gerlien, pues nan ta considera cu e no a actua na manera honesto y imparcial den su papel como presidente di Parlamento.
