No laga ningun palabra danjino sali for di boso boca, sino palabra cu ta bon pa edificacion, conforme e necesidad di e momento,pa esaki por duna gracia na esnan cu ta tende.
Y no haci e Spirito santo di Dios tristo, pa medio di Kende boso a wordo seya pa e dia di redencion.
Laga tur amargura,furia, rabia, griteria,y calumnia, wordo kita for di boso,huntu cu tur malicia. Y sea carinjoso cu otro, misercordioso,pordonando otro, mescos cu Dios den Crisro a pordona boso.( Efesionan 4:29-32).
No ta pornada e palabra di Dios ta adverti nos, pasobra asociacion cu maldad, of mihor bisa malignidad ta corumpi curason y relacion di tur hende.
Wak cuanto famia tin kibra y cuanto ta na rand di cay den otro, cuanto tipo di violencia tin awendia, domestico,relacional, hubenil, etc, pasobra enbes di busca cos bon pa haci , hende ta doctrina nan mes den maldad, inmoralidad, bruheria, perversidad, y tur otro clase di bagamunderia.
Ta parce manera e temor di Dios a wordo pone un banda, y hende ta comporta nan mes manera animal, desviando totalmente for di locual Dios ta manda nos tur haci, cual stima nos prohimo manera mos mes.
E diabel e colebra bieuw y stinki , tin hopi hende den su gara, pasobra nan no kier tende e palabra di Dios y aplike den nan bida, nan ta prefera biba bao di opinion di hende cu scucha locual Dios ta bisa.
E palabra di Dios, ta splica den tur luho y detaye kico lo pasa cu esnan cu no ta hanja necesario pa reconoce Dios, y con Dios lo atende cu nan.( Romanonan 1:28-32).
E palabra di Dios ta bolbe ripiti den Galationan 5:19-21 cu esnan cu ta participa den e obranan di carni bisando bon cla esnan cu ta practica e sorto di cosnan aki lo no hereda e reino di Dios.
Awor pa esnan cu no tin respet, cu no kier somete, cu ta rechasa e palabra di Dios, cualkier coreccion a bira huzgamento, pasobra door cu maldad casi ta legalisa den nan mente y curason , nan ta pensa cu malicia, inmoralidad, y falta di respet, mester wordo acepta tur caminda.
Pero cual ehempel mayornan por duna na nan yuinan, ora nan mes ta cana dobla , for di orden, den inmoralidad, perversidad y adulterio, haciendo cosnan cu no ta cumbini, enbes di ta un bon testimonio di guia y respet, nan mes ta e fuente di tur discucion.
Con un mayor cu diariamente ta bisti sunu, por coregi un yiu den bistimento, con un mayor cu tur dia ta burachi y droga por coregi su yiu, pa e lanta serio, decente y cu un bon karakter.
Con por tin pas den cas caminda palabra malo, insulto , y menasa ta e tono di mas halto cu bo ta tende den e cas.
No ta pornada ta para scirbi; Y E a bisa: Loke ta sali for di hende esey ta contamina hende. Pasobra for di paden, for di curason di hende, ta sali mal pensamento, fornicacion, ladronicia,matamento,tambe enganjo,sensualidad,envidia, calumnia, orguyo y bobedad, tur e maldad aki ta sali for di paden y ta contamina hende.( Marco 7;20-23).
Esun cu ta anda cu hende sabi, lo ta sabi, ma un companjero di hende bobo lo sufri danjo.( Proverbionan 13:20).
Pa encuanto boso manera di biba di antes,boso pone un banda e hende bieu,cu ta wordo corumpi,conforme e pasionnan enganjoso,pa boso wordo renoba den e spirito di boso mente.( Efesionan 4:22-23)
No laga ningun hende ganja boso: Mal compania ta danja bon custumber.( 1 Corintionan 15:33)
Sinceramente,Pastor Marcel Balootje
