Den un declaracion haci pa Corte di Aruba riba 24ora.com, nan a bisa cu e castigo pa violacion di mucha ta dobbel na Corsou den comparacion di Aruba. Esaki no ta corecto. Segun e informacion cu SOLO DI PUEBLO a sigui for di reunion di parlamento siman pasa y cu nos a dobbel check den e wetboek di Corsou, e castigo pa abuso di mucha ta 15 aña. E castigo na Aruba tabata 12 aña y awor a bira 15 aña, cual ta IGUAL cu Corsou, Sint Maarten y Hulanda. Pues e castigo di abuso di mucha na Aruba ta mescos cu esun di Corsou.
SOLO DI PUEBLO a tuma contacto cu corte pa asina laga nan mes dobbel check esaki y pa nan corigi e informacion. Nos ta pasando den temponan dificil unda cu informacion corecto mester wordo suministra. Pesey mes nos ta compronde cu por ta trata di un confusion. Sinembargo, nos ta laga tanto Corte y Gobierno duna nan aclaracion riba e confusion.
