Solo di Pueblo a tuma nota di e ultimo informe di e agencia cu ta midi credito ( debe y capasidad di paga debe) “Fitch”, cu a subi Aruba di categoria.
Fitch Ratings a upgrade e rating di credito di Aruba di ‘BB+’ pa ‘BBB-’, manteniendo un outlook positivo. Segun Fitch, esaki ta refleha progreso den reduccion di debe di gobierno y un balansa fiscal fuerte.
E upgrade ta basa riba un mihor maneho di finansas, apoyo continuo di Hulanda, i reformanan fiscal nobo implementa. Den 2024, Aruba a logra un surplus di 2.6% di GDP, i e debe di gobierno a cay pa 66% di GDP, un reduccion significante for di 100% den 2020. Fitch ta pronostica cu e debe di gobierno lo sigui baha, y pa 2026 por yega rond 57.6% di GDP.
Fitch ta spera cu Aruba lo logra mantene un balansa fiscal positivo, cu un fuerte control riba gasto publico. E economia lo sigui crese, pero na un ritmo mas modera. E sector di turismo ta sigui crucial, pero tambe ta crea desafionan, manera precion riba infrastructura i medioambiente.
E meheroacion den rating ta un indicasion positivo pa e economia di Aruba, loke por atrae mas confiansa i inversion, i yuda na un reduccion continuo di e nivel di debe.
Solo di Pueblo ta felicita Minister Xiomara Maduro y su team pa e logro aki. Nan a pone tur enfasis pa trece reforma, combina cu crecimento di economia, pa haya mas placa, pa asina por paga debe! Pues Fitch ta confirma cu debe a wordo paga! Y hustamente e pagonan di mega debe ta mehora e posicion di Aruba, E nivel di debe relata na e GDP ta mustrando un mehoracion enorme!
