Diasabra madruga a drenta informe di cu tin un hende herida benta banda di caminda di e pompstation na Paradera, mesora a dirigi tanto polis como ambulans na e sitio. Na yegada di e patruya un dama a conta nan cu ela bin haya un homber tur herida na sanger benta banda di caminda na e pompstation y un brommer tur kibra un poco mas leu. Polis a nota mesora cu ta su so a accidenta y ta mal herida pa cual a pidi e ambulans cu mas urgencia na e sitio. Na yegada di e ambulans nan a atende e victima seriamente herida te cu a pidi pa prepara e “Cardio Kamer” na hospital y a transporte pa hospital. Ta trata aki di un homber di 30 aña cual su so cu su so a accidenta.
