Aruba ta prosperando danki entre otro na tur e trahadornan aki na Aruba cu tur dia ta yena su mes cu e animo pa labora cu energia pa hiba nan mes, nan famia y nos pais dilanti.
Pa esaki un biaha mas nos kier expresa nos admiracion, respet y aprecio na tur cu ta traha tur dia pa hunto nos por progresa, como pueblo y como pais.
MEP durante su gobernacion semper a percura empodera e trahadornan pa nan por tin un miho bienestar. Durante Gabinete Wever-Croes 1 y 2 den e ultimo 7 aรฑanan, nos a dedica hopi esfuerso pa fortifica e posicion di e trahado, brindando mas proteccion y mehorando e sueldo minimo y poder di compra memey di inflacion mundial.
Adicionalmente a crea mas cupo di trabou cual ta ofrece un competencia husto cu a conduci na miho salario y beneficionan, pa yena e demanda laboral existente.
MEP den su 7 aรฑanan di gobernacion a logra baha desempleo te na 4%, e mas abou di ultimo decadanan.
Na mes momento MEP a laga atras, e ley di introduccion di โsalario minimo pa oraโ, cu ta cla pa wordo aproba den Parlamento. MEP ta compromete su mes di percura poniendo pone presion positivo, pa lo antes posibel Parlamento trata y aproba e ley aki na beneficio di e clase trahador.
Un palabra di DANKI na tur cu tur dia ta contribui na e progreso y desaroyo di nos Pais. Nos kier pa bo sa cu bo labor tin balor.
Nos ta celebra bo trabou, dedicacion y contribucion indispensabel di tur dia.
Dia di Labor ta pa recorda nos cu cada logro ta cuminsa cu su dedicacion y esfuerso di tur dia.
Feliz Dia di Labor.
